Nilai zan khan Carabao Cup second round khelh zawh a ni a, third round-a intum tur pawh fel nghal a ni. Third round-ah hian team lian inhmachhawn tur an awm rih lo va, Liverpool in West Ham an hmachhawn tur chu inkhel ngaihven hlawh tur zinga mi a ni. Third round a intum tur zingah Brighton leh Wolves chu team intiattawk ber tura ngaih an ni.
Champion lai Liverpool hian an trophy kawl mek humhim tuma inkhel an hmachhawn hmasak berah London club Wes Ham a hmachhawn dawn a. West Ham hi Anfield-ah an mikhual ang. Carabao Cup final hnuhnung berah uiawm taka champion zo ta lo Chelsea chuan League Two team Barrow an hmachhawn ve thung ang. Chelsea laka fiahna hautak hmachhawn tur Barrow hian second round-a an khingpui Derby County chu penalty shoot-out-ah 3-2 in an hneh a, 1967-68 hnua a vawi khat nan Carabao Cup third round an lut dawn. Third round-a an khingpui tur hi Chelsea an ni thung a, an tan a khirh hle tura ngaih a ni.
- Carabao Cup third-round intum turte
Liverpool v West Ham
Manchester City v Watford
Arsenal v Bolton
Manchester United v Barnsley
Wycombe v Aston Villa
Coventry v Tottenham
Walsall v Leicester
Brentford v Leyton Orient
Blackpool v Sheffield Wednesday
Preston v Fulham
Everton v Southampton
QPR v Crystal Palace
Stoke v Fleetwood
Brighton v Wolves
AFC Wimbledon v Newcastle
Chelsea v Barrow