Arsenal chuan an tlarhma tichak thei tur player lak tur an dap a. Nipui bazar tawp dawn ni hnih chhung khan Chelsea forward Raheem Sterling leh Bayern Munich winger Kingsley Coman te an dawr a, tu emaw zawk zawk lak ngei tumin tan an khawh. (Independent)
Crystal Palace nen inremna an neih hleih theih loh vangin Newcastle chu lak tuma an hel reng England defender Marc Guehi lak an tumna an bansan. (Sky Sports)
Nipui bazar laiin sawptu hrawl leh sawmna mawm tak tak dawng chunga a chhuak lo hlauh a nih chuan England leh Brentford striker Ivan Toney chuan hun hreawm tak a hmang zui thei dawn. (Mirror)
Chelsea in Napoli striker Victor Osimhen an lak hmel tak loh vangin Saudi Arabian club Al-Ahli in Nigeria striker hi an lak theih a beiseiawm ta hle. (Talksport)
Liverpool chuan Nottingham Forest in Republic of Ireland goalkeeper Caoimhin Kelleher lak nan sumfai bakah player pek tel tuma an dawrna an hnar. (Athletic – subscription required)
EPL club thar Ipswich chuan loan a Chelsea leh Albania forward Armando Broja hawh an tumna a tlawlh tak vangin kum 26 mi French striker Odsonne Edouard chu Crystal Palace atanga hawh tumin hma an la zui nghal. (Standard)
Fulham chuan Newcastle leh Paraguay midfielder Miguel Almiron lak an tum lo. (Mail)
West Ham leh defender Kurt Zouma chuan loan a Saudi Pro League club Al-Orouba zawm turin medical test a paltlang. (Sky Sports)
Chelsea chuan kum 22 mi Benfica defender Tomas Araujo chu lak theih tur chi a ni em tih an thlithlai. (Mirror)
Brighton midfielder thar Matt O’Riley-a’n hliam a neih vangin Scotland midfielder Billy Gilmour chuan Napoli a pan a rinawm ta lo. (Telegraph – subscription required)
Brighton chuan Nordsjaelland hnenah £17m senga kum 19 mi Danish striker Conrad Harder lei dilna an thehlut.
Fulham chuan nipui bazar inkhar hma lawk khan Lille leh Kosovo winger Edon Zhegrova lak tumin hma an la. (Football Insider)