- Ruata
Jeep India chu SUV thar tichhuak turin an inbuatsaih mek a, he India rama an SUV tihchhuah tur hi Rs. Nuai 20 man hnuailam tur a ni.
Stellantis India MD leh CEO Shailesh Hazela chuan an SUV thar tihchhuah tur chu Jeep SUV lo chhuak tawh te hmelhmang nena inang, Jeep ‘spirit’ keng tlang zel tur a ni a ti a. He Jeep SUV thar tur hi Citroen CMP (Common Modular Platform) nghahchhana duan tur a ni a ti a, AWD emaw 4×4 pangngai a rawn nei dawn a ni.
Jeep hian he SUV thar lo chhuak tur hmang hian midsize SUV tha ho, Hyundai Creta, Tata Curvv, Kia Seltos, Maruti Suzuki Grand Vitara, Honda Elevate, Skoda Kushaq leh Volkswagen Taigun te an rawn el dawn a. He SUV huang, tunlaia India ram puma ‘hit’ tak mai hi a rawn ti changtlung lehzual dawn hle a ni.
A hming tur leh a chanchin kimchang hi hriat theih a la ni lo a. Khawvel huapa chhuak mek Jeep SUV lar tak, Renegade a ni dawn nia ring te pawh an awm a ni. A khawl hman tur pawh 1.6 litre EP6DT direct injection turbo petrol khawl a hman beisei a ni a, 150PS power leh 180PS power pechhuak thei duhthlan tur a awm beisei a ni. He khawl hi PSA-BMW compact engine a ni a, he khawl hi Citroen leh Peugeot lirthei ho pawhin an hmang thin a ni.
A kentel tur hrang hrang zingah hian – touchscreen infotainment system wireless smartphone connectivity kengtel, 10.25-inch digital TFT cluster, automatic climate control, reverse parking camera, 6-way manually adjustable driver’s seat, leather gear knob, 4-way manually adjustable passenger seat, 6-speaker sound system, blind spot detection with rear cross path, lane departure warning plus, electric servo-assisted steering, forward collision warning plus with mitigation, emergency brake assist, tire pressure monitoring display, electronic stability control with hill start assist leh thil changkang hrang hrang a tel dawn a ni.