Chawlhkar liam taa ram tan inkhelh chawlhsan fel kum 33 mi Newcastle defender Kieran Trippier chuan St James Park a chhuahsan dawn a, Turkish club Eyupspor nen inremna an nei fel tawh. (Sportsdigitale – in Turkish)
Chelsea leh England defender Ben Chilwell chu nipui bazar tawp dawn hnaih khan Jose Mourinho enkawl Fenerbahce chuan loan a lak theihna hun tha pek a ni. (Givemesport)
Belgian club Anderlecht chuan Manchester United leh Denmark midfielder Christian Eriksen an ngaihven. (Het Belang van Limburg – in Dutch)
Manchester City in FC Barcelona atanga an lak let leh German midfielder Ilkay Gundogan chuan season kal mekah 50% aia tam City tan a khel phak a nih chuan kum khat dang contract a pawtsei thei dawn. (Star)
Nipui bazarah Chelsea leh Saudi Pro-League club in lak an tum Napoli striker Victor Osimhen chu Napoli in Serie A squad-ah an telh lo. (La Gazzetta dello Sport – in Italian)
Nipui bazarah an duh ang player an lak luh loh vangin Liverpool chuan thlasik bazar inhawn hunah defensive midfielder lak ngei an tum dawn. (Football Insider)
England winger Raheem Sterling chuan loan a Arsenal a pan hma khan Saudi Pro-League atangin kar khatah £650,000 zet hlawh tura sawmna a hnar a, Gunners zawm a thlang ta zawk. (Mirror)
Nipui bazar inkhar niah Newcastle United £50m zet senga Swedish winger Anthony Elanga lei an dilna chu Nottingham Forest in an hnar. (Sky Sports)
Dutch Arsenal centre-back Omar Rekik, Gunners senior team tana la khel miah lo chuan a contract a titawp. (Fabrizio Romano)
Liverpool chuan nipui bazar inhawn leh hunah Crystal Palace leh England centre-back Marc Guehi lak ngei an tum dawn. Nipui bazar liam taah Newcastle United in an lak theih tak loh kum 24 mi hian Palace-ah kum khat daih chiah contract a nei tawh dawn. (Mirror)
Guehi la thei ta lo Newcastle United hian nipui bazar inkhar ni khan £35m senga Nottingham Forestleh Sweden winger Anthony Elanga lak an tumna chu a hlawhchham bawk. (Sun)
Manchester United chuan nipui bazar inkhar ni khan Real Betis in loan a Brazil winger Antony leh Denmark midfielder Christian Eriksen hawh an dilna an hnar. (Mail)