Mizoram Premier League club hlun tak Chanmari FC chuan I-League khelh ve tumin, a khel tur zawnna I-League 3 Group C chu Ni 3 – 11 September 2024 hian RG Stadium, Mualpui ah an khel dawn a ni. I-League 3-ah hian Team 25 an awm a, Group 5 (A, B, C, D & E) ah inthenin, Group khatah hian Team 5-an awm leh a ni. Group tina a titha 2-te hi 2nd Phase, September thla tawpa khelh leh turah an tling dawn a ni.
Group C-na hi Chanmari FC Aizawl ah an thleng dawn a, a khel tur clubte chu:
HAL Sports Club, Bangalore, RKM FA, Chhattisgarh, Coramandal FC, Andhra Pradesh, MYJ-GMSC – Mumbai leh Chanmari FC te an ni.
Chanmari FC President Vanlalruatfamkima (Valpuia) chuan “I-League 3 khel turin Field chhung leh pawn lamah theih tawp kan chhuah a, kan thawh hona a thain I-League khel tur hian kan in peih tawh a ni. Chanmari FC players te hi Mizoram hmun hrang hranga mite an ni a, Mizo ten I-League club kan neih belh ngei theih nan Mizo mipuite te tlawpna kan mamawh takzet a, minlo tan theuh turin kan sawm a che u”.
Chanmari FC coach hi Mizoram Santosh Trophy coach Lalsangzuala Hmar a ni a. Players langsar leh tawnhriat ngah tak tak Lalrinchhana Tochhawng, Zothanmawia (T Mawia), Malsawmzuala, Lalkhawpuimawia te neiin a player naupang zawk tha tak tak pawh an nei nual a ni. Chanmari FC ah hian Chanmari veng player pakhat chauh awmin a bak chu Mizo player tha tak takte an la khawm a, Mizoram Premier League season 11-na khelh mekah Table topper an ni mek bawk a ni.
Inelna hi RG Stadium, Muapui a khelh vek tur a ni a, Chanmari FC home match zawng zawng zanah khelh a ni ang.
- Fixture
September 3, Thawhlehni
HAL SC vs RKM FA 2:00 pm
Chanmari FC vs Coramandal FC 7:00 pm
September 5, Ningani
MYJ-GMSC vs HAL SC 2:00 pm
RKM FA vs Coramandal FC 7:00 pm
September 7, Inrinni
MYJ-GMSC vs Coramandal FC 2:00 pm
RKM FA vs Chanmari FC 7:00 pm
September 9, Thawhtanni
Coramandal FC vs HAL SC 2:00 pm
Chanmari FC vs MYJ-GMSC 7:00 pm
September 11, Nilaini
MYJ-GMSC vs RKM FA 2:00 pm
HAL SC vs Chanmari FC 7:00 pm