- Ruata
Classic Legends chuan an brand chhuanvawr Jawa lirthei huangah Jawa 42 chu a thar FJ an tlangzarh thar leh ta a. Rs. Nuai 1.99 – 2.20 (ex-showroom) man a ni dawn.
Jawa 42 FJ hi India ram hmun hrang hrangah booking an lo hawng tawh a, an tlangzarh takah chuan kar hnih khat a liam chuan a neitute hnen a thleng thei dawn ta a, kan hriatthiam dan tur awlsam berah chuan Jawa 42 chhuak mek aia chak leh tha za zawk te ti ila a sual tam pui awm lo ve.
Jawa 42 base model aiin Rs. 26,000 velin a to dawn a, a power a san hret bakah tlemin an rawn ti ‘sport’ lam rawngkai deuh a ni. A man tlawm ber dual channel ABS nei Aurora Green Matte Spoke chu Rs. 1,99,142 man a ni dawn a. Heng bakah hian a man hrang hrang tur chu Aurora Green Matte Rs. 2,10,142, Mystic Copper Rs. 2,15,142, Cosmo Blue Matte Rs. 2,15,142 leh Deep Black Matte Black Clad Rs. 2,20,142 te a ni. Heng hi ex-showroom man a ni.
A khawl lamah chuan Jawa 42 FJ hian 334cc, single cylinder, liquid cooled Alpha2 khawl, 21.45bhp power leh 29.62Nm torque pechhuak thei a hmang a. Transmission lamah slip & assist clutch nei 6 speed gearbox kan hmu a ni.
Suspension lamah chuan 41mm telescopic fork leh twin shock absorber kan hmu a, braking lamah chuan a hma leh hnungah 320mm disc, dual channel anti-lock braking system (ABS) hmang kan hmu bawk a ni.
A hma ang bawkin modern retro design mawi tak he bike tharah hian kan hmu a. Jawa 350 ho platform nghahchhana duan tho a ni a, a design element tam zawk pawh Jawa 42 pângngai nen a inang a ni.
A elpuite, ama huang bika anodized brushed aluminium fuel tank cladding hmang hmasa ber a ni a, aluminium headlamp holder, grab handle leh footpeg kan hmu bawk a ni.
A kentel zingah hian all LED lighting package, upswept exhaust, fully digital instrument cluster leh USB charging port te kan hmu a. A wheelbase hi 1440mm niin 178mm ground clearance tha tak a nei bawk a ni.