ZPM Zonu Headquarters President R.Lalawmpuii, AMC Ward – 16 corporator ni bawk chuan nimin khan Zirtirtute Ni, a bial chhûnga Bethlehem Vengthlang Middle School II-ah khuallian niin a hmanpui a, he hunah hian R.Lalawmpuii chuan thu sawiin, “Zirtirtute hi ram leh hnam hmahun siamtu tur naupang enkawltu an nih avângin an dinhmun a pawimawh hle a, zirlai naupangte thiam loh zirtirtu ni mai lovin an nun kaihruaitu ‘role model’ an ni,” a ti.
Maawmi chuan, “Khawvela hna zahawmber thawktu zirtirtute bula hun ka hmang thei hi ka lawm hle a ni,” tiin, “Eng hna pawh hi rinawm leh taima taka thawh chuan a ropui êm êm vek a, chutihrual chuan zirtirtute hi chuan kan nunah hian hmun pawimawh an chang lehzual bîk a ni”, tiin zirtirtute zahna chibai a bûk.
Khuallian leh bialtu corporator R.Lalawmpuii chuan, “Khawsak harsa zawkte ben theih sawrkâr sikul hi thlan tlâk leh luh châkawm a siam hi kan mamawh hle a, chumi tur chuan zirtirtute pawh kan in tuaihriam lehzual a ngai a ni”, tiin zirtirtute a fuih bawk.
R.Lalawmpuii hi Bethlehem Vengthlang ZPM Group hruaitute’n an tawiawm a ni.