Kumin October 4-a tlangzar tur ‘Joker: Folie a Deuz’ (Joker 2) actor Joaquin Phoenix chuan he film-a changtupa ni turin kg 23 zet a rihna a tihhniam bakah Lam a zir nasat vangin, Joker film hmasa aiin a let tam takin a harsa zawk, a ti.
“Kum 49 mi ka ni tawh a, heti anga demand nasa tak awmna film-a inlan hi ka thei tawh kher lovang. Joker ai khan Joker 2 hi kawng tam takin a harsa zawk a ni,” tiin Phoenix hian a sawi.
Joker 2 hi 2019 hit film Joker sequel niin, ‘Folie a Deuz’ tia hming puttir ni bawk hian engti ang takin nge lemchan khawvel a rawn barakhaih leh dawn hriat a chakawm ta hle.
Joker film kha a hit rem rem hle a, Oscar award-ah nomination 11 zet hmu pha in, ‘Best Film’ a puan a ni bakah changtupa Phoenix hian Best Actor a dawng.