Liverpool leh Egyptian forward Mohamed Salah chuan Anfield ah cham chhunzawm turin contract ziah belh leh a duh. Kum 32 mi Salah hian tun season daih chiah contract a nei tawh a, season tawp huna a chhuah tur thu a lo sawi tawh nghe nghe. (Liverpool Echo)
Liverpool chuan Salah hi contract thar chungchangah dawr thuai tumin ruahmanna an siam. (Talksport)
Reds hian thlasik bazar inhawn hmain Salah-a hma lan hun tur tihchian hman an inbeisei. (Football Insider)
Salah hian contract thar a ziak lo a nih chuan a mah mai bakah Netherlands defender Virgil van Dijk leh Brazil keeper Alisson ten nipui bazar inhawn hunah Saudi Arabia an pan vek an ring. (Caught Offside)
Al-Nassr chuan Manchester City leh Croatia midfielder Mateo Kovacic chu thlasik bazar inhawn hunah lak an tum dawn a, kum 30 mi hi kar khatah £750,000 zet hlawhtir an tum dawn. (CBS Sports)
Brazilian midfielder Casemiro chuan a khelh mekna Manchester United in an hma lama an ruahmannaah hmun a chang tawh lo tih an hrilh chauhin chhuah dan kawng a dap chauh dawn. (ESPN)
Casemiro hian ni reilote chhungin chhuah a thlang mai thei bawk. (Mirror)
Galatasaray in club nei lova awm mek France midfielder Adrien Rabiot lak tumin dawr bawk mah se Manchester United leh Newcastle te pawhin Juventus a chhuahsan hnua club zawm la nei lo Rabiot hi lak tumin hma an la la ve reng tho bawk. (Teamtalk)
Nipui bazar tir lama Brighton chhuahsan Colombian midfielder Steven Alzate chuan Hull City zawm fel turin medical test a hmachhawn thuai dawn. (Sky Sports)
Flamengo chuan Manchester United in an chhuah zalen French forward Anthony Martial lak tumin an bia. (Fabrizio Romano)
Crystal Palace in England defender Marc Guehi contract thar an ziahpui a nih chuan Liverpool leh Newcastle United ten an la duh a nih pawhin a lakchhuah theihna zat £70m in an lak a ngai tawh dawn. (Football Insider)
Manchester United chuan Sam Erith chu tun season chhung atan an performance director atan an ruat. (Mail)