- Ruata
Hyundai chuan an subcompact SUV chhuanvawr Venue a E+ variant-ah sunroof an dah thar a, he variant hi Rs. Nuai 8.23 (ex-showroom) man bawr vel tur a ni.
He variant hi a man tlawm ber E variant chung chiah a ni a, E variant ai hian Rs. 29,000 velin a to zawk a ni. E+ variant hian sunroof a nei dawn mai bakah hian digital instrument panel, two-step recline function chu a hnunglamah a nei, heng bakah hian 60:40 split rear seats, adjustable front & rear headrests, day and night adjustable IRVM, airbag paruk, three-point seat belts passenger zawng zawng tan, hill start assist control, leh electronic stability control te a nei a ni.
Venue hian eng variant-ah pawh standard feature angin front power window, manual AC, manual day-night IRVM, tilt-adjustable steering, central locking, Isofix seat, dual airbags leh ABS with EBD a nei vek bawk.
Venue E+ variant hian 1.2 litre naturally aspirated petrol khawl a hmang a, he khawl hian 83bhp power a pechhuak thei a, 5 speed manual gearbox nena thlunzawm a ni bawk.
Venue hi chhuan (generation) thar model chu kum 2025-ah tihchhuah tura ruahman a ni a. Kum 2027-ah hian Grand i10 Nios generation thar model tihchhuah tum a ni bawk.
Venue hi Mizoramah pawh subcompact SUV hralh kal ber te zinga mi a ni a. Tuna a variant hniam hret leh man man zawka feature tha zawk an rawn dah belh pawh hian an hralhchhuah tam lamah nasa taka a puih ngei a beiseiawm a ni.