Social media lamah, ‘Bollywood hmeichhia ah tunge ropui ber’ tia Alia Bhatt leh Shraddha Kapoor fan te nasa taka inhnial thinrim buai karah anni pahnih erawh chuan an hlawhtlinnah lawmpuina an inhlan tawn thung.
Alia-i flm thar, ‘Jigra’ teaser tihchhuah a ni mek a, film industry lamin an lawmpui thiam hle. Stree 2 film hit rem rem tak vanga hlawhtlinna par duhawm tlan mek Shraddha pawh a tel.
Fan lehlam lehlam te’n social media, a bik takin X lamah debate nasa tak nei a, Bollywood Top Heroine inchuh buaina nasa tak karah anni pahnih erawh boruak duhawm tak an nei leh lawi bawk si a, fan te pawh an mengphawk viau a ni awm e.
Shraddha chuan Instagram Stories-ah, “Ka unaupa nen he film hi cinema hall-ah ka en ngei dawn. Alia hi hmeichhe ropui tak a ni a, trailer a hmuhnawm takzet” a tih laiin, Alia pawhin lawmthu sawi nan, “blockbuster Stree’ tia a hming tarlangin, lawmpuina a hlan.