Country Music Awards (CMA) sem zawh taka langsar taka a fanu hmaih a nih chungchangah Matthew Knowles a lawm lo hle a, he thilah hian vun rawng inthliarna nasa tak a awm, a ti.
Zaithiam lar Beyonce Knowles hi tun tumah nomination pakhatmah a dawng lova, rimawi khawvela a hlawhtlinna leh tunhnai mai pawha vung taka kal reng chung pawha a hming reng reng a lang lo chu a hrethiam thei lo a ni.
“America-ah hian mingo an tam awk a, vanduaithlak takin vote an pek hian thiamna leh hlawhtlinna lam an en ngai lo. Tun thleng hian mingo leh mihang thil a la ni tluang zel,” tiin a sawi.
2016 CMA Awards-ah khan Beyonce hi Dixie Chicks te nen performance fuh lem lo tak an nei a, khata atang khan boruak fuh lo chhovin, CMAs lam hian Beyonce laka ngaihdam dil tur ni awm takin lang mah se, an haider lui, a ti bawk.
Hetih lai hian, CMA voter te hi vun rawng thliar thin an ni hran lova, chutih rualin a fanu an hmaih lui tlat mai chuan engkim mai a hril chiang vek, a ti a ni.