Canada leh UK-a sold out concert nei zo hlim hlawl Diljit Dosanjh chuan Indian fan te chawkphur lehin, October thla-a neih tur Indian tour chu minute 15 chhung lekin ticket 100,000 a hralh fai pharh mai.
Punjabi zaithiamin a pianna India leilung a rap tur hi fan te’n namen lova lo dawngsawng tha in, ticket tlawm ber Rs 1999 atanga to ber Rs 5999 chu a chuhin an inchuh ruih ruih a ni ber.
Ruahman dan chuan Diljit Dosanjh hian October 26, 2024-ah New Delhi-ah show ngan tak a nei ang a, hemi hnu hian Hyderabad, Ahmedabad, Lucknow, Pune, Kolkata, Bangalore, Indore, Chandigarh, leh Guwahati khawpui ah pui rem rem takin an che chhunzawm ang.