Consumer Slogan thenkhatte + Germany Thlawhtheihna Coy lar Lufthansa Pawisa chawitir thu

• Lallunghnema, Charity Lodge

Tun tuma ka article chu Consumer Slogan – in ka rawn hnawh khat dawn a. Mi thenkhat tan bengvarthlak a nih theih laiin thenkhat tan ninawm mai a ni thei ang. Mahse kan hriat mak mawh a ni tlat si a. Chuvangin kan lo zirho leh poh a ni ang chu.

Heng slogan-te hi lo en teh:

1. I dikna leh i chanvo chu suma i lei a ni.
2. I chhawr tangkai turin i dikna leh i chanvo vawng tlat rawh.
3. I dikna leh i chanvo zir (learn) hmasa la, mu chauh ang che.
4. I thil lei kha i tan chauh a ni lova, midang tan pawh a ni tih hria ang che.
5. Buma i awm loh nân i dikna leh i chanvo hre chiang rawh.
6. Thil lei turin i piang lo, I dam khawchhuah nan thil i lei chauh a ni zawk.
7. Consumer i nih anga i dikna leh i chanvo i hriat hian i chak sauh thin a ni.
8. I thawh chhuah chu i dikna leh i chanvo i hman tangkaiah a innghat e.
9. Sumdawng tha chu thuh rûk theih an ni lo, an zawng tho thin.
   10. A tak takah(real thing) chuan pawisain hun a lei a ni zawk.
   11. Huaisenna hi consumer-te chakna leh hlawhtlinna thling(back borne) a ni.

Mi thiamte chuan au hla tha ber chu, ‘ Tawi fel, thil ti thei, hriat awlsam a ni,’ an ti. Mipui hneh tur pawh hian thu phuah tha satliah ringawt lo, chhiar nuam leh vawn awlsam a ni tur a ni. Slogan piah lamah hian consumer – te harsatna ngaihthlaksak a, titi pui leh a tul ang ang a hmâ lâkpui a ni.

Hei le, thu bengverh leh ngaihna te awm tawi Consumer Huang tuipuitute tan ka han chhawp chhuak e. Germany airline Deutsche Lufthansa cheng nuai khat chawitir thu:

The Indian Express-in a tarlan danin khawvela Airline lar berte zing a mi German airline Deutsche Lufthansa chu an passenger pakhat, Maharshi Yadav hnenah Rs 1 lakh pe tur leh tichet fare Rs 67612/- refund turin a hrem a. He Judgement hi hmanni lawk khan tih chhuah a ni a. Ni 30 chhung hun pek an ni.

He zirlai hi Saprama lehkhabu zir tum a ni a. Germany khawpui Toronto khawpui pal thlang tur a ni. Eng Europe ram 29 a zn tur chuan Schengen Visa an lâk ngei ngei a ngai a. Chutih mek lai chuan Lufthansa airline hian ani hi document pawimawh zinga Schengen Visa , an pek loh avangin Mumbai Airport-ah tih din leh tihbuai a ni a. Pawisa tam tak sengin thlawhtheihna danga a thlawh a ngaih phah a ni. He zirlai lungawi lo hian Gandinagar District Consumer Disputes Redressal Commission nen thlenin he Airline hi ni 14.March.2024-ah Complaint thehlutin a khing ta. Thiam a chang ta a nih hi! Lufthansa hian nuai khat a chawi ang. Ticket fare a refund bawk ang.

Mizoram pawn lam Judgement ka han thai lang leh thin a. A bengvar thlak piah lamah zir tur ka hlui duh che u a ni. Intihuaisen ula, intipachang rawh u.

Sum ren la, MRP aia sangin thil reng reng lei suh. Bungraw hi dam chauh lei ang che. Expire tawh lei sub. Buk tling chauh lei rawh. In bum suh.

CENTRE FOR CONSUMER EDUCATION
I TAN A DING E.