Indian filmmaker Soham Shah chuan Netflix chu Korean show lar Squid Game chungchangah thubuai a siamsak ta a, 2009 kuma a film siam, ‘Luck’ a copy ngei niin, a sawi.
New York-a thubuai thehluhah Shah hian Korean show hian hindi film siam chu a bo bang awm lovin a entawn kuih thak, a ti a ni.
Thubuai siamah Shah hian ‘Luck’ film leh Netflix show hi a in-ang chiah tih sawiin, “Squid game-a Plot bul thut, changtute, theme, mood, setting leh sequence zawng zawng mai hi a inang kuih thak, a tih theih. Thil thleng palh emaw tihpalh thil thu a awmin a lang lo,” a ti.
Kum 2009 a tihchhuah ‘Luck’ film-ah khan mi beidawng awmkhawm, leiba ngah bawk si te chu games intihsiakna chi hrang hrang neiin, sum tam tham tak hlawhchhuah tumin an bei a, contest-a tlawm te chu an thi zel mai bawk.