Inrinni khan Dr Numal Momin, Dy Speaker, Govt of Assam chuan Kolasib District tlawhin, Mizoram in India hmarchhak State dangte ruala hmasawnna kawnga ke a pen ve theih nan Mizoram mipuiten Central BJP Sorkar, Pu Modi-a kaihhruai sorkar nen an thawh dun a ngai a ni tih sawiin Mizoram mipuite chu BJP ah a tam thei ang ber in enroll turin a sawm.
Dr Numal Momin chuan Membership Enrolment Drive neih mekah Mizoram District Prabhari atana ruat anih angin, Mizoram District hrang hrang Siaha, Lawngtlai, Lunglei, Champhai, Aizawl, Kolasib, leh CADC te ka tlawh chhuak tawh a. Mizoram mipui hian a taka hmasawnna in chan theihna turin, BJP chungchanga kan ngaihdan dik lo hi kan thlak angai a, Central BJP sorkar, Pu Modi-a kaihhruai hi kan thawhpui a ngai a ni a ti.
Dr Momin chuan Mizoram in kawng tha kan neih theih nan te, Zirna tha kan neih theih nan te, Hriselna kawnga hma kan sawn theih nan te, Power lama kan intodelh theih nan te BJP hi apawimawh hle a, tundinhmun ah hian Mizoram chuan politics kawng hi a bo a ni. Mizoram hian hmar chhak state dangte ruala hmasawnna kawnga ke a pen theih nan BJP thawhpui turin mipuite hi kan inbuatsaih ran a ngai a ni a ti a.
Harsatna an tawh na thin thlai thar hralh chungchangah pawh Pu Modi sorkar chuan Farmers Producer Organization (FPOs) 10000 (Singkhat) dinin, hei hi lo neitute hamthatna tur atana din niin, State tam takah lo neituten harsatna tam tak an su kiang tawh a ni. Chutiang chiah chuan Mizoramam a loneitute hmasawnna atan leh an thlai thar hralh na kawnga an buai lohna turin FPO hi a taka hman a ngai a. Tun dinhmunah Mizoram ah hian FPO 30 vel awm hi sum hmuh nan a hmang an awm niin a lang a. FPO a nihna ang tura din leh hnathawk pakhat mah an awm lo niin a lang a, State sorkar pawhin FPO hi a en liam mai mai ni a lang a ni a ti.
Dr Momin chuan sawi chhunzawmin Mizoram kawng chhe lutuk chu ngaimawh awm tak a ni a, a bikin Sairang to Kawnpui to Lailapur inkar kawng chhe lutuk chu state sorkar inthlah dah vang leh he kawng chhawrtu mipui zahlohna lian tak ani a, State dang chu ni se he kawng enkawltu leh mawhphurtute chuan court an hmachhawn tawh ngei in a rinawm a ni. Chuvangin Mizoramin kawngtha te Damdawiin tha te, Sikul zirna in tha te, Power lam hnianghnar te, Loneitute leh kuthnathawktuten an thawh mila hlawh an lak theih nan te, Thalaite leh hmeichhia ten future bright tak an neih theih nan Membership Enrolment Drive kalpui mek anih chhung hian BJP Memberah lo inpe a, Mizoram siam that hna thawk turin ka sawm che u a ni a ti bawk.
Dr Numal Momin hi R Lalmalsawma, State Secretary leh State hruaitu dang ten zui in, R Lalthangliana BJP Kolasib District President leh a thawhpuiten an lo tawiawm bawk a ni.