Zirtawpni khan Aizawl Municipal Corporation Ward VI Corporator thlan thar H. Lalremtluanga lak luh inkhawm chu Board of Corporators Meeting Hall, AMC Office Thuampui-ah neih a ni. Aizawl Mayor Lalrinenga Sailo chuan he lakluh inkhawm hi a kaihruai a. Er. Lalhriatpuia, Aizawl District Magistrate in Ward VI atanga Corporator tura thlan tlin H. Lalremtluanga chu rinawmna thu tiam tirin a la lut.
AMC Ward VI bialtu John Zosangliana Ralte chu ni 21.3.2024-a a thih avangin State Election Commission ruahmannain ni August 22, 2024 khan he Ward tan hian By-Election neih a ni a. He inthlanah hian H. Lalremtluanga, ZPM Candidate hi thlan tlin a ni.
Lakluh inkhawm hi K. Sapdanga, UD & PA Minister in a hman pui bawk.