World number one Iga Swiatek chu chauh tawngkhawng (fatigue) avangin nizan atanga khelh tan tak Korea Open-ah a inlan thei dawn lo tih tournament organiser-te’n karliamta khan an nemnghet.
Defending champion leh US Open finalist ni bawk Jessica Pegula pawh a nakruh a tihnat avangin Seoul khawpuia WTA 500 event atangin a inhnukdawk.
Poland nula Swiatek hian kumin June thla khan French Open title hlawhchhuakin, Paris Olympics-ah khan bronze medal a awrh a, US Open quarter-final lamah Pegula hneh loin, thla hmasa Canadian Open-ah pawh khan fatigue chhuanlam bawkin a lo inhnukdawk tawh a ni.
Wimbledon champion hlui leh world number four ni bawk Elena Rybakina pawh hnungzang na avangin Korea Open-ah a tel thei dawn lo a; tournament khelh hun an tihdanglam avangin US Open semi-finalist Emma Navarro pawh a inhnukdawk bawk.
Korea Open hi tun September ni 22 thleng awh tur a ni.