Pathianni tlai dar 3:30 vel khan Zothansanga s/o Zohmangaiha (L) kum 19, Tlangnuam vengthar chu Tuithum lui, Tlawng lui Reiek kai thlen hma lawkah a tla a, Maubawk Branch YMA te pun nghal niin tlai dar 4:47 khan hmuh lehnghal a ni. A ruang hi tlaivarpui a nih hnuah nimin khan vuiliam a ni.
Helai hmunah hian kuminah mi pahnih an tlakhlumna a ni a. Tin, helai hmun hi a hnar lamah ruah a sur deuh chuan tuilian thut thin a nih avangin Maubawk branch YMA chuan intihlima kal thinte fimkhur turin an ngen a. Tun ang ruahtui awm lai reng phei chuan fimkhur a ngai lehzual niin an sawi bawk.