Nimin khan PC Party hruaitute chuan an Vice President Rita Malsawmi hovin Aizawl Zuangtui kudam-a ration buhfai tur dahkhawm an enfiah.
PC Vice President Rita Malsawmi chuan, “Tunhnaiah media-ah ration buhfai quality chungchangah inhnialna nasa tak a awm a. Hei hian mipuite rilru nasa takin a tichiai a, PC Party chuan Mizo-te’na kan chawpui ber buhfai quality chhia min lo supply a nih chuan mipuite hriselna nghawng thei a nih dawn avangin finfiah ngei thain kan hria a, a hmun ngeiah kan tlawh ta a ni,” a ti.
Tun thlaa sem tur buhfai lo thleng zinga a tam zawk hi buhfai man tlawm, quality hniam a ni a. Hetianga quality hniam supply anih lai hian a man a tlak hniam chuan loh avangin hei hi a dik lo tak zet a. Buhfai man tlawm sem chhuak sia mipuiin a man ngaia kan khul a ngai si phei hi chu mipui tan a na a ni. Aman tlawm anih si chuan, mipuiin kan khulna man pawh ti tlawm ve rawh se, a ti bawk.
Rita Malsawmi hi V.L.Thazova Secretary leh Alfred Zoremsanga Colney Secretary ten an tawiawm a ni.