India rama a vawi khat nan, Urban Downhill Event chu Aizawl, Mizoram-ah Red Bull nen tangkawpin event neih a ni dawn.
Urban Downhill Mountain Biking Competition hi India ramah a vawikhatna atan Mizoram ah neih a ni dawn a. Hyundai Motor India te nen thawk hoin he event hi neih a ni ang. He events-ah hian Khawlvel huapa MTB athletes te rawn tel ngei tura sawm an ni a, he ta pakhatna hian an a talent te phochhuahna hun Red Bull Cerro Abajo khawvela Downhill Event lian berah an nei dawn a ni. He intihsiakna a telte hi khawvelhuapa lar MTB riders leh Red Bull athletes ten an enpui vek dawn bawk.
He events ah hian October 24 khian Jerónimo Paez hoin Mentorship session neih a ni ang a. October 25-ah Track familiarisation & bike building session neih a ni ang a. October 26-ah Qualifying rounds & main race neih a ni ang.
Pu Lalnghinglova Hmar, Minister of State, Sports & Youth Services Department chuan he event hi Mizoram a tourism leh market lamte tan inphochhuahna hun remchang tak a nih thusawiin, he event hian Mizoram hi sports leh adventure lama event buatsaihna atan min tih lar theih phah dawn a ni’, tiin, lawm takin a lo dawngsawn a ni tih a sawi.
Mr. Tarun Garg, Whole Time Director & Chief Operating Officer, Hyundai Motor India Limited chuan, he collaboration hian Hyundai company in adventure spirit a ngaihhlut a, a tuipuizia a tilang a, Aizawl khawpui mawina leh khawpui chhunga kawngchhukte hi hmang tangkaiin, Indian ram puma adventure lam a tui mite hip theih an in beisei a ni, tiin a sawi bawk a ni