Bayern Munich chuan Real Madrid in lak an duh Alphonso Davies contract pawh sei theih an beiseina atan an beidawng ve ta nge nge. Kum 23 mi Canada defender hian nipui bazar inhawn leh hunah free transfer in Real Madrid a zawm ngei a rinawm. (Relevo – in Spanish)
Arsenal leh Japan defender Takehiro Tomiyasu chu Intalian club lian Napoli leh Inter Milan ten an hmutai. (Calciomercato – in Italian)
Pathianni zana an elpui lian Inter Milan an hmachhawn hma khan AC Milan boss Paulo Fonseca chuan season tharah bul an tan chhiat vangin a hma lam hun tur chiang lo anga sawi awm chu a pha a. A hma lam hun chiang lo ngawt tura a ngaih rih loh thu a sawi. (Football Italia)
Nipui bazar inhawn laiin Luiz Diaz leh a aiawhte lungni lo bawk mah se Liverpool in contract thar chungchanga Colombia winger Luis Diaz an dawrna chuan hmasawnna duhawm tak a nei. (Teamtalk)
Espanyol keeper Joan Garcia chuan nipui bazar inhawn laia Arsenal in lak tuma an ngaihven chuan an tichiai lem lo niin a sawi a. Gunners hian kum 23 mi Garcia hi thlasik bazar inhawn hunah lak an tum leh tho tura ngaih a ni. (Mirror)
Liverpool, Tottenham leh Paris St-Germain ten an ngaihven Lyon playmaker Rayan Cherki chuan Lyon ah kum 2027 thleng cham turin contract thar ziah belh a tum. (Foot Mercato, external)
Paris St-Germain in Real Madrid pan ta France striker Kylian Mbappe hnenah a hlawh leh bonus neuh neuh an pek tur £46m zet pe ngei tura tih an khin letna chu a hlawhchham a. PSG hian Mbappe laka an leiba an tlak ngei a ngai dawn. (Athletic – subscription required)
Manager Eddie Howe nen inkar tha lo tak an neih a reh hleithei lo a nih chuan Newcastle United chuan an sporting director Paul Mitchell an ban dawn. (Football Insider)
Manchester United chuan kum 18 mi Southampton winger Tyler Dibling an ngaihven a, Saints hian Dibling contract pawhsei sak an tum ve thung. (GiveMeSport)
Kum 17 mi Sunderland midfielder Chris Rigg chu Manchester United in rawlthar an bengkhawn zingah a tel bawk. England youth international Rigg hi Jude Bellingham thar ti hiala sawi a ni. (HITC)
Barcelona boss hlui Xavi chuan ngaihventu a nei neuh neuh naa club enkawl tura kir leh turin a la inpeih loh thu a sawi. (Revelo – in Spanish)
Barcelona, Atletico Madrid leh Bayern Munich te chu kum 22 mi Marseille forward Mason Greenwood ngaihven zingah an tel. (Talksport)
PSG chuan Newcastle United leh Sweden striker Alexander Isak chu lak an duh a, Magpies chuan kum 24 mi manah hian 100m euros (£83.8m) an chhiar. (Fichajes – in Spanish)
Nottingham Forest chuan Turkey international pahnih, Galatasaray winger Baris Alper Yilmaz leh Besiktas striker Semih Kilicsoy te an ngaihven. (HITC)
Chelsea chuan kum 26 mi France defender Axel Disasi chu January thlaah lak an tum dawn. (Fichajes – in Spanish)
Real Madrid chuan kum 19 mi Spanish defender Yarek Gasiorowski chu Valencia in an chhiarna zat 45m euros (£37.7m) a lak an rilruk. (AS – in Spanish)
Chelsea chuan Inter Milan forward Lautaro Martinez an ngaihven a. Martinez manah hian Ukraine winger Mykhailo Mudryk, English winger Carney Chukwuemeka leh France defender Benoit Badiashile te pek tel an phal. (Dobleamarilla – in Spanish)
Everton chuan Newcastle United in an ngaihven England striker Dominic Calvert-Lewin chu a tawp nan contract thar zawrh a tum. Kum 27 mi hian contract thar a ziak lo a nih chuan nipui bazar inhawn hunah tuna a contract neih mek hi a hmang zo ang. (Teamtalk)
Juventus chuan January thlaah kum 24 mi Lille leh Canada striker Jonathan David chu 15m euro (£12.5m) sengin lei an tum. (Calciomercato – In Italian)
Southampton leh England full-back Kyle Walker-Peters te contract thar chungchanga an indawrna a tlawlh a, kum 27 mi hian tun season tawp rualin contract a hmang zo dawn. (Fabrizio Romano)
Southampton in an manager thar tura an duh zingah Blackburn manager John Eustace a tel. Saints hian an manager rawih mek Russell Martin chu an ruai rei tawh lo mai thei. (Football Insider)