Thlarau sualin sikul naupang a tihbuaite tana tawngtaisakna neih vanga Kristiana inlehluih tira thubuai lian tak hmachhawn mek Upa C Lalhriatpuia (Mahriata) leh a nupui Bethsy Lalrinsangi te bakah C. Lalremsanga te interim bail dilna hnawl a nih tak vangin buaina a khirhkhan ta hle.
THIL THLEN DAN
Evangelist Upa C Lalhriatpuia leh a nupui Bethsy Lalrinsangi te chu Mount Olive School, Debitola, Assam-ah Gospel meeting an nei chu RSS nia hriatte’n Hindu naupangte chu Kristiana inlehluih tir tumna ah ngaiin thuneitute an thlen a, an buai chho ta a ni.
KAWNG AWLSAM LO
Karhmasa khan he sikul neitu C. Lalremsanga leh Bethsy te nupa hi police lamin an kova, boruak muanawm zawnga a kal dawn emaw tih laiin, nimin piah mai khan Kokrajhar District Court-ah ‘Child Conversion’ case ziaklutin, an pathum hian dinhmun khirhkhan takah an ding nghal.
TUN DINHMUN
An laka thubuai rip tak ziah luh a nih hnu-a interim bail dilna hnawl a nih zui tak avangin hmalak zel dan turah Ukil te nen an ngaihtuah ho mek.
ENGNGE A SAWI?
Upa Mahriata chuan interim bail an dil mek chu a hlawhtling ta lo a nih leh, “Pathianin a hming avanga Jail tang ve tlakah min ngai ve ah kan pawm hmiah ang chu. Pathian thu thu erawh nise,” tiin an dinhmun a tarlang.