Thawhlehni khan Hachhek bialtu MLA Robert Romawia Royte chuan Central sorkar Agriculture Ministry a Horticulture Commissioner Dr Prabhat Kumar-a kawm a. Mizoram Kuhva chingtuten kuhva tamhri avanga harsatna an tawh mek dan leh Mizoramah Kuhva chingtuten a rah hring hralhna an harsat thute a thlen.
An titinaah MLA Robert Romawia Royte chuan Central sorkarin Kuhva chin belh zel a khap nia sawi awm chu a dik em? tih a zawhna chu Horticulture Commissioner chuan “Khap teuh nang le, sum chang thlai pawimawh a ni alawm” tiin kuhva tihhmasawn nan leh a hri venna leh tihdam kawnga hma an lak dante a hrilh a. Hachhek bialtu MLA Robert-a ngenna anga Central Sorkar a Expert Committee te Hachhek biala harsatna zirchiang tura tirh ngei a tum thu MLA hi a lo hrilh a ni.
Kuhva rah hring mumal taka hralh anih theih nana tanho dan turte an sawi dun bawk.
MLA RRRa hian Agri Ministry a Jt Secretary Horticulture lam changtu Prya Ranjan pawh kawmin Kuhva Chingtute aiawha Kerela leh Karnataka zin dan turte leh thlai thar sawngbawlna chungchangte a sawipui bawk a ni.