Heti ang tak hi chu tuma’n an beisei lo a sin le! Critic lam pawhin an duh em em thin kha a ni a, mahse Joker: Folie a Deux (Joker 2) chuan box office-ah tlangzarh ni khan beisei a pha lo hle.
Filmstar lar Joaquin Phoenix-a’n Arthur Fleck lem a channa chu tun tumah hian thil mak a thlenpui ta lova, Joker kha kawng tinrengin a phak lo.
Joker 2 hi October 4 khan tlangzarh a ni a, hemi ni hian a lo berah $maktaduai 50-65 vel hmu ngei tura rin a nih laiin, a takah erawh $maktaduai 20 vel bak a hmu lova, box office-ah beidawnna a thleng.
Tunkar chhova a chechhe zui zel ang em, hriat ni lo mah se, heti taka a che fuh tawk lo hian mak tih a hlawh hle.