Manchester United chu £58.6m senga kum 25 mi Paris St-Germain leh France forward Randal Kolo Muani dawr turin an inbuatsaih. (Fichajes, via Teamtalk)
Real Madrid chuan Arsenal leh France defender William Saliba chu kum 2025-ah lak ngei an duh a. Los Blancos hian Saliba hi an lo be lawk tawh nghe nghe. (Le 10 Sport – in French)
Galatasaray chuan Napoli atanga an hawh mek Nigeria striker Victor Osimhen chu a nghetin lak luh an duh a. Chelsea pawhin kum 25 mi hi lak tumin an la ngaihven ve reng bawk. Oshimhen hi Thlasik bazara la tur chuan £68m sen a ngai dawn a. Nipui bazar inhawn huna la tur chuan £63m sen a ngai dawn thung. (Corriere dello Sport – in Italian)
Manchester City chuan Porto goalkeeper Diogo Costa chu Ederson thlaktu atan lak luh an rilruk a. Portugal stopper lak nan hian £63m zet an sen a ngai dawn thung. (Caught Offside)
Manchester United chuan Chelsea left-back Ben Chilwell chu thlasaik bazar inhawn huna an top target-ah an dah. (Teamtalk, external)
Dinhmun chiang lo taka awm mek Manchester United manager Erik ten Hag chu United thuneitute an inhmuhkhawm hnuin Ten Hag hova Brentford hmachhawn turin an inbuatsaih chhunzawm zel. (ESPN)
Manchester City in an ngaihven niin thuthang awm mah se Spain midfielder Martin Zubimendi chuan Real Sociedad-ah cham chhunzawm a duh tih a sawi nawn leh. (Mirror)
Crystal Palace chuan West Ham atanga kum 18 mi Ivorian forward Bazoumana Toure lak tumin hma an la a. Toure hi Manchester United leh Celtic te pawhin an ngaihven ve bawk. (Give Me Sport)
Season tharah Germany forward Kai Havertz che tha viau mah se Arsenal chuan thlasik bazar inhawn hunah striker thar lak luh an tum chhunzawm zel. (Football Insider)
Liverpool chuan France centre-back Ibrahima Konate cpntract thar an ziahpui fel hunah defender Virgil van Dijk chu contract thar chungchangah dawr zui leh an tum dawn. (Teamtalk, external)
Arsenal, Tottenham leh Newcastle United te chuan Aston Villa leh England youth midfielder Jacob Ramsey lak tumin an ngaihven. (Give Me Sport)
Newcastle chuan January thlaa forward thar la lut thei turin England striker Callum Wilson hralh hmasak zet an mamawh. (Football Insider)
Marseille chuan hremna a tawrh zawh hnua March 2025 atanga inkhel leh thei tur France midfielder Paul Pogba chu lak tumin an dawr. Damdawi hman phal loh a hman vanga hremna tuar mek Pogba hi a hremna an pek tawh sa chu thla 18 atan pawh tawi a ni. (Mirror)
Juventus chuan Pogba hi hrem a nih vangin a contract an tihtawpsak nghe nghe. (Fabrizio Romano)