Apex Bank North Vanlaiphai Branch chu Hrangturzo bialtu MLA Lalmuanpuia Punte, Adviser to Chief Minister (Political) chuan nimin khan a hawng.
Apex Bank Branch 29-na North Vanlaiphai Branch hi ATM Booth keng tel nghal tur a ni a. Serchhip District a Apex Bank Branch 3-na niin thawktu 3 leh Security Guard 3 nena bul ṭan tur a ni.
Mizoram Cooperative Apex Bank Ltd. hi Ni 31 July, 1982 khan Mizo mipuite bank hmasa ber tura din a ni. Tunah hian Branch 28 an nei mek a. N. Vanlaiphai Branch hi 29 na tur a ni. Mizo tawnga chhiar theih awmchhun ATM neiin mipuiin an hmang tangkai hle. ATM Booth hi tunah hmun 38 ah a enkawl mek bawk a ni.
Tun dinhmunah Apex Bank hian Deposit Rs. 1534.42 Cr. (Vaibelchhia) atangin Loan hi Rs. 1206.49 Cr. (Vaibelchhia) a pe chhuak a. Deposit dawn atanga Loan pekchhuah tehfung (CD Ratio) hi 78.63% niin Mizoram Bank ah pawisa dawn atanga teha loan pechhuak tha ber an ni.
Hawnna Programme hi Lalnunsanga Chairman MCAB in a kai hruai a ni. Chief Executive Officer A. Lallungmuana’n technical report leh lawmthu sawina hun a hmang bawk.