- Ruata
Nissan chuan an compact SUV chhuanvawr Magnite chu a thar, kum 2024 model thar an tichhuak leh ta a, Rs. Nuai 5.99 man atangin a intan dawn.
Nissan Magnite thar hi chi 6 – Visia, Visia+, Acenta, N Connecta, Tekna leh Tekna+ te awmin Rs 5.99 lakh atanga Rs 11.50 lakh (ex-showroom) man inkar a ni a. Hei an tlangzarh thar a nih avanga an tih tlawm hret a la ni a, hemi man hian mi 10,000 vel chuan an lei thei dawn a ni.
A landanah thil thar inthlak hlawk liantham kan hmu lo na a a hmel erawh a thar viau a. Design leh a pianzia hrang hrangah danglamna kan hmu nual a ni. 16 inch alloy wheel thar a hmang a. LED taillamp thar bakah thil thar dang hrang hrang kan hmu a ni.
A len zawngah chuan danglamna a awm lo a, a hmaa chhuak nen a la inang chiah a. Rawng chi thar – Sunrise Copper Orange kan hmu thar a. A bak zawng chu tuna chhuak mek pawha kan hmuh tawh rawng – Tourmaline Brown with Onyx Black, Blade Silver, Vivid Blue with Onyx Black, Sandstone Brown, Pearl White with Onyx Black, Onyx Black, Flare Garnet Red, Flare Garnet Red with Onyx Black, leh Storm White te kan la hmu zui a ni.
A chhunglamah pawh a ken tel hrang hrang chu a la ngai deuh vek a, hetah hian han ‘update’ thar hlek hlek a awm thung a ni. A khawl lamah pawh a hmaa mi ang chiah 1.0 litre petrol khawl, 72PS power leh 96Nm torque pechhuak thei leh, 1.0 litre turbo petrol, 100PS power leh 160Nm torque pechhuak thei te duhthlan tur a awm zui zel a ni.