- Ruata
Mahindra chuan an SUV lar Thar chhuak thar, kawngka tam zawk leh lian zawk nei Thar Roxx hmasa ber chu Rs. vbc 1.31 in an hralh!
Mahindra Thar Roxx hi lei hmasa ber tu tur zawngin lilam a ni a. Delhi mi, Akash Minda chuan chhang huai berin a vaibelchhe tel teh meuhin a lei ta a ni.
Mahindra Thar Roxx hmasa ber lei tum hian mi tam takin an chhang a, a leitu tur an puan hma ni 2 chhung ringawt pawh hian mi sing chuangin an la chhang a. He lilamna atanga an hmuhchhuah hi tanpui ngaite tanpuina atana kal vek tur niin Naandi Foundation-ah an chhunglut vek a ni.
Kum 2022 khan Mahindra Thar 3-door zawk an lilamnaah tuna chhang huai ber Akash-a tho hi chhang huai ber leh a leitu a lo ni tawh bawk a. Tun tuma chhang huai ber nih leh ta Akash-a hnenah hian Mahindra Thar Roxx hmasa ber, Nebula Blue rawng VIN 0001 chu hlan a ni a. He Thar bikah hian special badge a chuang a, Anand Mahindra-a signature a chuang bawk a ni.
Mahindra Thar Roxx hmasa ber an hlan tak hi a top diesel model, AX7L diesel automatic variant niin 4X4 awm a ni bawk a. A khawl lamah chuan Thar model thar hian 2.2L diesel engine, 175bhp power leh 370Nm torque pechhuak thei a hmang a. Thar Roxx-ah hian 2.0 litre turbo petrol khawl duhthlan tur a awm bawk a. Kan lo tarlan tawh thin angin hmanraw changkang tak tak a kengtel bawk a ni.