- Ruata
Maruti Suzuki chuan an crossover micro SUV hmingthang Fronx chu kum 2 chuang hnuah nuai 2 an hralh tling ta.
Maruti Suzuki chuan Fronx hmang hian lirthei huang ‘common lo’ tak mai, compact crossover tih te pawhin a sawi theih ang, huang chhunga mi ni turin lirthei thar hi kum 2 chuang hret kalta khan an tlangzarh a. Market lamah a che tha chho viau a, tunah hian tam tak an hralh chhuak ta a ni.
Fronx hi Maruti Suzuki Baleno nghahchhana duan niin NEXA showroom atana hralhchhuah a ni ve nghe nghe a. A mawiin a a langsar vah mai a, SUV huanga dah theih, premium hatchback huanga mi te pawh el thei lirthei tha leh mawi tak a ni a, leitu pawh a hmu hnem reng a ni.
An tlangzarh atanga thla 17 chhungin heti zat hi Maruti chuan an hralh thei a. An tlangzarh atana thla 10 lek chhung khan nuai 1 an hralh tling hman tawh bawk a ni. Partho Banerjee, Senior Executive Officer, Marketing & Sales, Maruti Suzuki India Limited chuan he lirthei hian lirthei vawikhat leina tur ho a hip thu sawiin hei mai bakah hian lirthei te zawk atanga a lian lam hret lei tum te mit fukna tak a ni tiin a sawi bawk a ni.
Maruti Suzuki Fronx hi chi 5 – Sigma, Delta, Delta+, Zeta, leh Alpha te a awm a. Khawl chi 2 – 1.2 litre petrol khawl leh 1.0 litre Boosterjet turbo petrol khawl hmang duhthlan tur a awm bawk a ni. Reiloteah Fronx hian 1.2L, 3-cylinder Z12E petrol engine a rawn hmang ve turah beisei a ni bawk.