Inrinni zana kahhlum politician lar Baba Siddque (66) thihna chuan Bollywood a barakhaih. A bik takin, Salman Khan tan tawrh a har lehzual a, a chenna In leh velah venhimna khauah lehzual kalpui a ni.
NCP hruaitu thihna vang hian Bandra area-a Galaxy Aparment leh a chhevel chu tlawh pawh thei lohin an khar nghal a, kum 3 kalta atang tawha thah a vauna dawng leh zauh thin Salman Khan tan a him lo lehzualah an ngai.
Lawrence Bishnoi-a pawl (gang) hote’n Salman leh a chhungte an tihthaih fo tawh a, April pawh khan a chenna In hi bike chuang mi pahnihin an kap tawh bawk.
MLA vawi thum ni tawh Baba hi Bollywood-ah inlan lo mah se, milarte nen an inhre tha a, thiltihhona puitham leh party lian tak tak buatsaih thin a nih vangin Bandra area-ah phei chuan hriat a a hlawh.
Kum 2013-a khatih laia Salman-a bialnu Katrina Kaif-i pianchamphaphak lawlmnaah Salman leh Shah Rukh Khan te chu inhmu thiam loin, inhmelmakna a thleng zui a, kum hnih dawn an inchu e kha e loh hnu-ah Baba hian an inkarah remthu sawipuiiin, an pahnih hian an inrem thei ta chauh a ni.