MNYF Hqrs hruaitute chuan inrinni khan Zarkawt a High School Field a chhawnga sak mek chu an tlawh a. He field hi Aizawl Smart City sum Vaibelchhe 16.06 hmanga a chhawnga sak mek a ni a. A chhhawng hnuaiber hi parking tur niin Car 39 leh Two wheeler 16 dah na tur niin, a dawttu pawh hi Parking tur tho niin Car 41 leh Two wheeler 29 dah na tur a ruahman tho a ni. Field ah hian phullem phah tur a ni. A field sir kual chhuaka dawhsan niin kea kal kualna changkang taka siam a ni.
MNYF Hqrs chuan Armed Veng a 1st MAP Football Ground behchhana Field chhawng sak pawh a hmunah an en a. Field hi phullem phah zawh tawh niin a sir hnuaiah hian in chhawng 3 a awm a, Mizorama in lian ber ni a sawi a ni.
MNYF Hqrs chuan MNF Sorkarin tunlai khawvel thalaite mamawh hriaa field chhawng siama Zoram tan leh a veng neitu bakah Govt High School tan pawha rohlu tam tak an lo ruahman hi ropui kan ti, tiin thuchhuah an siam.