Tuithiang Veng Branch YMA, Kumpuan sub-committee te chuan inrinni zing khan veng chhunga ruihtheihthil an man khawmte YMA President Vanlalthlana hovin tihralna an nei.
Tuithiang Branch YMA president chuan, khawtlang a lo thianghlim zawkna turin kan thenawm vela ruihhlo nei leh zuar ang chite an awm a nih chuan Kum puan Committee te hnenah thlen thin turin veng chhung mipuite a chah a, hetiang kan tih zel chuan kan khawtlang a thianghlim dawn a ni, a ti.
Kumpuan sub-committee ten an thil man ang ang chu an tih ral nghal zel thu sawiin, tun hnai kar hnih khat vela an mante chu a kawltu tan dahthat a harsa a, chuvangin an paih mai angaih thu a sawi a ni. Ruihlo an man khawmte chu kawl hrehawm a nih avangin an paih nghal mai thin thu a sawi bawk.
Kumpuan Sub Committee ten ruihhlo neitu an mante hi veng pawn leh veng chhung mi te an ni a, ruihhlo ngai mi eng emaw zah home-ah dah luh an ni. Tuithiang YMA Kumpuan hmalakna avang hian rukru pawh mi 5 man an ni bawk. An thil rukte hmuh let loh awm mahse a tam zawk chu hmuh let sak an ni.
Inrinnia ruihhlo vengchhunga man khawm an tihral te hi Heroin No 4 Hawng 3, Local Zu Um 48, Royal Stag Um 3(750ml) , Blenders 1, Beer cane 49 leh Alprazolam Strip 6 te a ni a. Kumin chhung hian vengchhungah No 4. – Hawng 12, Rakzu Um 140, Ganza 500g, A sen chi 12 (750ml) Beer Cane 270 leh Alprazolam Strip 250 man a ni tawh tih an sawi.