POWERCRID Corporation of India CSR Fund hmanga Rs. 9,50,000 senga sak, Chhippui Community Hall chu nimin khan Moses Ramdinthara, SDO (Civil), W. Phaileng chuan Chhippui Branch YMA kutah a hlan.
Moses Ramdinthara chuan Chhippui khawtlangin an mamawhna hriaa, Community Hall sakna atana Mamit district bawrhsap hmalakna leh ngenna anga, CSR-ten hall an sak chu lawmawm a tih thu a sawi a, Community Hall sak a nih theih nana sum thawhtu CSR-te chungah district bawrhsap aiawha lawmthu sawiin vantlang thilte duat nachang hre tur leh mahni ta anga en thiam turin Chhippui khaw mipuite a chah.
Chhippui Community Hall sak hna hi July 26, 2023 khan thawh tan a ni a. Sak zawh hi Hrangchhuana Sailo, General Manger-in DC kuta a hlan angin SDO (Civil), W. Phaileng hian Mamit district bawrhsap aiawhin Chhippui YMA kutah a hlan ta a ni.