Lunglei District Bawrhsap R. Lalthazuala hma laknaa HDFC RSETI hnuaia District Jail, Lungleia house wiring training buatsaih tur chu nimin khan Additional Deputy Commissioner Rochuangkimi Khenglawt-in a hawng.
District jail-a HDFC RSETI hnuaia house wiring training buatsaihah hian a bul tan nan training tur mi 34 thlan phawt an ni a. Anni hian ni 30 chhung training an nei ang a, an zir zawhah Ministry of Rural Development hnuai atangin NSQF Qualified Certificate hlan an nih dawn bakah, HDFC atangin an bul tanna tur remchang ruahmansak an ni dawn bawk a ni.