Aizawl: November 21, 2024 khan Ministry of Home Affairs chuan Mizoram chief secretary tur a ruat fel.
Mizoram chief secretary atan hian Khilli Ram Meena (IAS: 1993:AGMUT) chu ruat a ni a. Meena hian tun dinhmunah Ministry of Minority Affairs addl. secretary hna a chelh mek.
Mizoram chief secretary hlui ni ta, Dr Renu Sharma chuan October 31, 2024 khan pension-a a chhuah tak avangin Mizoramin CS nghet a nei rih lo a, H Lalengmawia, IAS-in CS hna a chelh rih mek a ni.
Meena hi Rajasthan mi niin, kum 1967-a piang a ni a, zirna lamah MA (History) a ni a. Kum 1993 khan IAS-ah tlingin December 31, 2027 hian a pension ang.