November 18, 2024 chawhnu lama Khamrang VC hnen atanga savawm kutbawr ni ngeia hriat, uiin khawlaia a put chhuah thu report an dawn bawhzuiin Kawnpui Forest Range RO leh a staff-ten savawm kaptu ni ngeia hriat an man.
Kawnpui Forest Range RO leh a staff-te hian an report dawn hi chhui zuiin savawm kutbawr ni ngeia hriat hi Khamrang Railway Station bungraw venga duty, Vanlalrawna, Khamrang School Vengin November 17, 2024-a savawm (Asiatic Black Bear) a kah kutbawr ngei nia hriat a ni.
District Court-ah hruaiin, criminal complaint theh luh a ni a. Savawm kaptua puh hi District Jail, Kolasib-ah dah luh nghal a ni bawk.
Asiatic Black Bear, (Ursus tibetanus) hi WPA, 1972 (as amended in 2022)-ah Schedule I ramsa niin heng ramsate humhalhna dan bawhchhetu chu kum thum aia tlem lo jail tantir leh Rs 25,000 chawitira hrem theih an ni.