Synfo leh Central KTP buatsaih mal zai intihsiakna, Praise On 2024-a pakhatna chu hriat a ni ta. Kumin intihsiaknaah hian Lalthlanawma chu pakhatna a ni.
September 6, 2024 atanga audition bul tan a nih hnuah, zirtawpni zan khan Dawrpui Presbyterian Kohhran Hall, Aizawlah Grand Finale neih a ni.
Kumin Praise On mal zai intihsiakna pakhatna Lalthlanawma – Ramhlun Branch hian lawmman Rs.1,20,000 a dawng a; pahnihna J. Lalruatsangi – Sihphir Branch niin, Rs.70,000 hlan a ni a, pathumna chu Samuel Lalmuanchhana – Armed Veng Branch niin, Rs.50,000 a dawng ve bawk.
Palina chu Chaltlang South Branch ami, P Vanlalhriatpuia a ni a. Maria Lalmuanpuii, Chhiahtlang Bazar Branch chuan pangana dinhmun a luah thung.
November 21, 2024 zan khan Dawrpui Kohhran Hall-ah Top 5 intihsiakna neih niin, hla pahnih – mahni hla duh ber leh judge te hla thlan chhuah hmangin an intihsiak a. Chuta tangin zirtawpni zan khan a thiam ber thlan chhuah a ni ta a ni.