AZL: Chief Minister Lalduhoma chuan nimin tlai khan a pisa-ah Mizoram tlawha lo zin Durgadas Uikey, Union Minister of State for Tribal Affairs chu a kawm a. Ministry of Tribal Affairs kal tlanga Mizorama hnathawhte a sawipui.
Chief minister hian Mizoram a tlawh avangin Uikey hi lawmthu a lo hrilhin, “Mizo mipuite chu tribal vek kan nih avangin kan minister i ni,” a ti.
Uikey pawhin chief minister chu Delhi a zin huna a chenna ina tlawh turin a sawm a. Mizoram tan a inhawng hle tih a hrilh a. Inpawh takin tribal affairs kaltlanga hmalaknate leh nasa zawka hmalak zel dan tur te an sawi dun zui.