AZL: January 10, 2025-a District Hospital, Siaha-a Daniel Lalruatfela thihna chhui tura a ruatte chu uluk taka hlen turin Centre for Environment & Social Justice (CESJ) chuan an ngen.
CESJ-in thuchhuah an siamah damdawi thiamte inthlahdahna nia ngaih theih vanga Daniel Lalruatfela thihna chu pawi an tih thu an tar lang a. Thil thlen dan an thli thlai mek laiin, Principal Director, Health & Family Welfare-in chhui chiang tura January 16, 2025-a order a chhuah chu lawmawm an tih rualin mipui ngaihdana damdawi thiamte inthlahdah vanga thihna hial a thleng thin chu a tawp theih nan, he thil chhui tura ruatten uluk taka hlen turin an ngen tih an tar lang.