Aizawl: Hachhek bialtu MLA Robert Romawia Royte chuan ZPM sorkarin lei tuma a insawia, a inrawlh avangin Mizoramah hmunphiah rate a chhe vek niin a sawi.
A bial fanga zin kual mek Robert Romawia Royte chuan, kum kaltaah Assam, Nagaland leh Meghalaya ah te hmunphiah rate a that kum a nih laiin, ZPM sorkarin lei tuma a insawi a, a inrawlh avangin Mizoramah hmuhphiah rate a chhe vek niin a sawi.
MNYF President ni bawk chuan, sorkar inrawlh loh laiin sawhthing rate a tha reng a, sorkar inrawlh avangin sawhthing leh hmunphiah rate hi a chhe leh ang tih a hlauhawm hle tih a sawi a. VC leh LC inrthlan hun sawn hma vak hi democracy pawngsualna a ni a. ZPM sorkar hian an intiam ang an tithei dawnlo tih hrechiangin an mualpho zual zel hmaa VC leh LC inthlan hi tihma ta vat an ni a. He thutlukna chauh pawh hi ZPM hnawlna tham a nih thu a sawi.
Robert Romawia Royte chuan, ZPM-in kum khat chuang rorelna a chan hnuah pawh Hachhek bialah hmasawnna hnathawh sawitham a neilo a. MNF sorkar sum sawi chhuahsa leh sorkar hmasa hna pek tawhsa titawp a, ZPM party mite’n hna chhe tak taka an thawhte chu an sawi tur neihchhun a nih thu a sawi bawk.
Hachhek bialtu MLA hian a bial a fannah ZPM leh Congress party atangin MNF-ah mi eng emaw zat a lawm lut a ni.