Fan tam takin,’Greek god’ tih hiala an sawi thin, taksa inkhaithli leh piantha tak Hrithik Roshan chu naupangte a nih lai atanga taksa hrisel lohna leh insawiselna tam tain a tlakbuak reng hnu-a tun dinhmun a thlen theihnaah a nunphung (lifestyle) thlak danglam a fitness a buaipui chu a chhan bul ber, a ti.
- Hlawkpui tlat mai
Bollywood-a a lut hmâ khan hnungzang na benvawn leh thil dang dangah insawiselna a nei nasa thin hle. 2001-a lemchan khawvel a zuanluh dawn khan Salman Khan hnenah training tha tak a la chu a hlawkpui.
Kum 51 mi Hrithik chuan, “Ka film hmasa ber, ‘Kaho Naa Pyaar Hai’ ka chan hma khan ka nun inthlak danglamna liantham a thleng. Fitness a lo rik tawh chuan sawi tur hi a tam thin.
“He film chang tura thlan ka nih chiah khan Salman Khan hnenah awmze nei takin training ka la a, hnunglam ka hawikir leh tawh lo.
“Lam (Dance) hi naupangte ka nih lai tawha ka tuipui leh atchilh a ni a, kha khan ka taksa a tichak a, nunphung dik lova ka nun thin leh chindan tha lo te ka bansan a, tun dinhmun hi ka thleng ta a ni,” tiin a sawi.