Tun hnaia India ram state thenkhat inthlanah Congress party dinhmun a hniam zel a, sorkar na siam theihna hmun an nei meuh ta lo. Ram pumpui thlir phei chuan an dinhmun hi a khirh chho hlein a lang.
Heti em em maia state hrang hrang inthlana an inkhaichhuak zo lo chho hi ngun takin an ngaihtuah chho ve ngei ang a, an thochhuak leh thei em ang chu maw? Kan state-ah ngei pawh rorelna an chang zo tawh lo a, an thatna thin leh ro an la rel ngar ngarna hmun hrang hrangah luah lanin an awm ta zel bawk.
Kan ramah pawh MNF leh Congress tia kan sawi fo thin chu kiang ve zelin, ZPM an rawn in la vung chho a, kan rorelna in sangah phei chuan ZPM chu sorkar na siamtu an ni ta der mai. Hetih lai hian a hruaitu lawk lam inthiarfihlim hmasaah Congress hi tangin, Pu Hawla ni lovin president post dinhmun a luah chho ta bawk a, party dang an la buai chhoh theih laiin fel takin an lo inrem diam thei tawh bawk lai hi a ngaihnawmna tur a la ni leh ngei pawhin a rinawm.
ZPM party leader, tuna CM ni ta Pu Lalduhoma phei chuan hman kum lawk khan a thusawina pakhatah Congress party chu an zinga tel ve mai tawh turin a sawm hial a, he game hian eng tak thleng chho ang i maw? Heti tak maia ram puma an buaina hi engtinnge kan rama mite hian an lo hmachhawnin, inthlanpui awm leh turah engtia rawn chet nge an tum ang tih chu mi tam tak thlir leh, hriat chak a ni bawk.
Kan rama party liante chet dan leh thawm neih dante hi thalaiten an thlir reng a, suma lei theih loh an la awm teuh tih hrereng a, hmasawn zawnga ram siamthat tum an awm zel kan beisei bawk e.