Aizawl: Finance department changtu, Chief Minister Lalduhoma te nupa chuan nimin khan Aizawl Treasury Office pahnihte financial year khar ni an hmanpui.
Chief Minister Lalduhoma chuan sorkar kum khar a lo hun leh ta a, finance department-a thawktute, treasury office hrang hranga thawktute zarah engkim fel fai takin an inching fel thei chu lawmawm a tih thu a sawi a. Kuminah hian Rs. vbc 900 chuang hret an chhuahpui dawn a, nikumah khan Rs vbc 500 vel an chhuahpui thung a. “Hei hian kan sum leh pai dinhmun a lo that deuh deuh zia a tilang a ni,” a ti.
Chief minister-te nupa hi Finance Commissioner Vanlaldina Fanai, Finance Secretary Ramchuana leh finance department hotu dangten an telpui.
Sorkar thuchhuahin a tar lan danin nimina financial year tawp nia Mizoram sorkar sum chhuahpui zat dik tak hi vawiinah a chiang tura ngaih a ni a. Rs. vbc 900-a chuang tura ngaih a ni. Ti hian pension charge lut sa zawng zawng pek fel vek hman a ni a, GPF pawh a lut ang ang pek fel vek a ni a, medical bill pawh a lut chin chu pek vek a ni. Nikum kum tawpah khan Rs vbc 500 vel chhuahpui a ni.