A KHUH HAWNNA
Khawvel hmasawnna a zuana a zuan dawrh dawrh lai hian mihringte pawhin chu hmasawnna chu um zuiin chhak leh thlang chhim leh hmarah an tlan suau suau tawh.
Tunhma zawng aiin telephone/mobile phone hmanga inbiakpawhna pawh a pawimawh zual ta tih turin keini tribal kephah hlai leh chawn ping tak takte paw’n kan lek fur tawh.
Tleirawl lamin tawngkam mak leh tawi tak tak rawn zir chhuakin, tunhmâ lama hman lar te chu an zuih ral tial tial a, ‘traditional greeting’ tia khawvelin a pawm, ‘Hello’ tih pawh hmang tha duh tawh lovin an ‘hi’, ‘yo’ vel tawh a ni.
A bik takin, England ramah chuan tleirawl tam zawkte khuan ‘hello’ tih hi an hmang tha duh meuh tawh lova, a aiah ‘Whats up’ tih te leh ‘hi’ emaw ‘yo’ te hi an leklam tawh zawk.
Zirmite chuan ‘hello’ tih hi phone an hmuh chhuah hun laia khawvel la changkang chiah loh hun lai vela an hman dan chikhatah an ngai ti tih tawh hial a ni awm e.
1876 kuma Alexander Graham Bell-a’n telephone a siam chhuah khan ‘Ahoyhoy’ tiin chibai an inbuk kha a ni a. Amaherawhchu, American mihrâng Thomas Alva Edison-a zawk hian tui-puia kal thinte inbiakna hi fuh chiah lohva a ngaih avangin, ‘hello’ tih tawngkam hi a chher chhuak ta a, tichuan 1883 khan dictionary-ah te hial seng lut a ni ta a ni.
Mak ve deuh chu!
Scottish te hian lehlam atanga rawn betute hming lama lo chhan hi an ching hle a, a mawi ang reng viau. An hmelhriat an nih loh chuan tha takin an chhawn a, an mihriat an nih chuan an hming hmer ngeia koin, ‘hello’ tih ai paw’n an hmang lar zawk.