Aizawl: MPCC President Lal Thanzara chuan research base veka hma la tura inzuar, ZPM sorkarin engmah ruahmanna mumal an lo neih loh avangin kuthnathawktute leh sorkarin sum tak tak an hloh niin a sawi.
Nimina Hmar tlangdunga Congress party hruaitute leh kuthnathawktute a kawmnaah MPCC President Lal Thanzara hian, “Research base veka hmala nghal tura inzuarten engmah ruahmanna mumal an lo neih loh avangin kuthnathawktuten sum nasa tak an hloh a, sorkarin sum tam tak a hloh bawk. Sorkar a hlawk lo va, kuthnathawktute an hlawk hek lo,” a ti.
Lal Thanzara chuan lal chaka tuihalin nasa takin an inzuar a, loan tha mi, a pung awm lo pe tura intiam, sorkar guarantor-ah a tang ang tih hian thingtlanga an unaute hnen a thleng dawn lo niin a sawi.
ZPM sorkarin an intiamna ‘dah’ chu a takin an ti hlawhtling tih sawiin MPCC President chuan, “Hmun hrang hrangah ZPM sorkar hmalaknain kuthnathawktuten sawhthing hralhna hre lovin an lovah te, huanah te leh an kawtkaiah an ‘dah’ nghek nghuk a, Dah hlawhtlin dan chu a lungchhiat thlak takzet a ni,” a ti.
Congress chuan Pathian lam tang, mi te berte hnen thleng phak NLUP an nei a. NLUP changtlung zawk hmangin Zoram an tuam dawn a, mipui kutah sum leng vak nasa takin a tam leh ang dawn a. Sum vang lutuk vanga sumdawnna dik lo ruihhlo hluar leh tawlh hi a reh tawh dawn tih a sawi bawk.