Sorkar laipui Ministry of Home Affairs hmalaknain nimin ram chhungah boruak atanga beihna thleng palha mipuite inpuahchahna dinhmun hriat theih nan Civil Defence Mock Drill neih a ni.
Ramchhung district 244-te rualin Civil Defence Mock Drill hi Aizawl-ah pawh neih a ni a. Mock Drill hi Tuikhuahtlanga AIR station leh Civil Hospital inkarah neih niin, chawhma dar 11 khan DC Office atangin indo thlawhnaa inbelh thulha inralrinna siren tihrik a ni. Hetah hian boruak atanga beihna thleng thulha civil mite leh zirlaite tan harsatna hrang hrang thleng laka hmalak dan tur, mahni inralrin dan tur leh inven dan tur bakah insaseng dan tur enchhin a ni.
Nizan dar 6:30 leh 6:35 inkar khan siren tihrik leh niin, Aizawl khawpuiah kawlphetha tihtawp tur ni mah se, veng thenkhatah chuan kawlphetha tihtawp a ni a. Aizawl khawpuia ‘Black Out’ chhung hian lirthei tlante chu tihdin niin, lirthei tihdinte chu an awmna hmunah engine leh light pawh off vek an ni.
Civil Defence Mock Drill hi ramchhunga indo leh harsatna lian tham thlen thulha mipuite lo inbuatsaih lawk theihna tur duan a nih angin, Aizawl district-a hmun thlan bikah buatsaih a ni.