Mizoram chu India rama ziak leh chhiar thiam vekna state a puan kan ni ta a, a lawmawmin, inchhuanna tham pawh a ni bawk.
Ziak leh chhiar thiam vekna ni tura beitute, hmalatute leh a kaihhnawiha inrawlh zawng zawng bakah ram mipuiten lawmthu i inhrilh tawn hlawm ang u.
Ziak leh chhiar thiam vekna nih hi a hlu a, khawvel democracy ram lian ber chhunga state khat chhunga hetiang dinhmun kan tawngte hi a ropuiin, inchhuang hliah hliah tur pawh kan ni.
Hemi tehkhawng hi kan hriat thiam dan tur chuan ministry of education hnuaia Understanding Lifelong Learning for All in Society (ULLAS) in tehkhawng hi lain, state chhung mipui awm zat atanga teha ziak leh chhiar thiam chu zaa 95 chin nih a ngai a, Mizoram hian 98.2 hauhin, 95 kaipha dang an awm lo a, ULLAS chuan an tehfung atangin ziak leh chhiar thiam vekna state-ah puan theiha sawiin, Mizoram chu ziak leh chhiar thiam vekna state kan lo ni thei ta a ni.
He kan nihna thar hi a tawp nana hmang mai lovin, hmasawn zawnga kal lehzual nan hmang ila, state dangin min lehpelh lohna turin tha thla lovin i tangrual zel bawk ang u.