Nicola Peltz leh Brooklyn Beckham te chuan hun hlimawm tak hmang dunin, an pahnih hian huanah hlim taka an leng dun lai leh an thil ei lai social media-ah an tarlang nasa hle a, hetih lai hian Beckham te chhungkaw lam hi sawi neuh neuh awm lai a ni thung.
Kum 30 mi Nicola hian May 21 khan a Instagram stories ah a kawppui nena an thlalak hrang hrang hi a share nasa hle a, inhaw lo takin an len dun bakah, ei tur chi hrang hrang an ei lai a tarlang bawk. Actress hian interior designer Michelle Finkelstein a tag bawk avangin ani pawh a awm nia rinna a lian hle.
A thlalak tarlan zinga pakhatah chuan Nicola hian ‘I love you so much, baby’ tiin Brooklyn-a thlalak awmnaah a hmeh bel tel bawk a ni.
Nicola leh Brooklyn te inkawp hi an tih tak chho tawhin, an inzui nghet zual zel tawh a ni ber a, tun hnaiah phei chuan thuthang neuh neuh awmin, Brooklyn-a nu leh pa David leh Victoria Beckham te nen an inkar a tha lo hle nia sawi a ni bawk.
He inhnialna tiawihawm leh zual tur ting hian March thlaa David Beckham piancham vawi 50-na lawmnaah Brooklyn leh Nicola te hi an lokal lo kher bawk nen, hrechiang inti thenkhat phei chuan sawm an ni a, an kal loh chhan erawh hriat a ni lo thung, a ti hial a ni.
Nimin piah lawka Nicola-i thlalak post velah an pahnih chauha inhaw lo tak an awm lai hrang hrang a lan leh tak hnu phei chuan sawisel leh sawisepna karah an pahnih hian an buai lo dun hle nia rinna a lian hle bawk.