A hunlai leh vawiin thlenga hollywood movie chuai thei lo, la lar leh hmuhnawm em em Titanic kha a changtunu Kate Winslet fanu Mia Threapleton chuan a enkim ngai loh thu a sawi.
Wes Anderson-a movie thar The Phoenician Scheme-a a changtute zinga tel Mia, 24 hian kum 1997 a a nu channa film chu a tluana a la en ngai loh thu sawichhuakin, a bik takin tlema thawmhnaw inbel tlemna bik deuh phei chu a en ngam ngai lo niin a sawi.
Threapleton chuan he movie hlawhtling leh lar tak hi a en tluan ngam ngai lo tih sawiin, a nu ngei pawhin a en tluan ngai lo a, en turin a fate ho chu a tih ngai loh thu a sawi bawk a ni.
Kate-i hian a pasal hlui Jim Threapleton nena Mia hi an fa niin, kum 2001 khan an inthen a, thuneihna inang hmangin an la enkawldun zui ve ve thung a ni.
Winslet hian hemi hnu hian Sam Mendes nen fapa Joe Alfie Mendes,21 nei lehin, an inthen hnuah Edward Abel Smith nen fapa Bear,11 an nei leh bawk a. Heng a fate hi an pate nen hian inpawh takin, a hran ve ve in an enkawl hlawm.
A fa upa ber Mia chuan a nu chuan a fate ho chu a movie chan en turin a ti ngai lo a, an en duh tlat a nih erawh chuan a hnial ngai lo nia sawiin, a fa te ber Bear phei chuan kum khat kalta khan Titanic ngei pawh hi en ve chauhin, a tap nasain, a feel nasa hle niin a sawi a, a nu chuan an thutlukna a zahsak ber hlawm thu a sawi.